الباراسيكولوجي: علم ما وراء النفس – نبذة عامة / Parapsychology: An Introduction to the Science Beyond the Mind
كلمة باراسايكولجي معناها ما وراء علم النفس
ينقسم الى اربع ضواهر:
١_التخاطر
telepathy: اكثر فرع من علم
الباراسيكولجي لكوله تفسير انو المخ يتعامل وية كل فكرة ع شكل اشاره كهربائية و كل اشارة راح تولد مجال مغناطيسي و كل شخص
تصدر منه مجالات مغناطيسية تتاثر او تتقاطع مع بعضها و هالشي يصير مع الاشخاص
المتماثلين بالتفكير او اللي بينهم رابط مثل الاخوة او التوائم.
٢_حدة
الادراك clairvoyancy:مثل انو تشوف شخص تعرفه
ديتعرض لموقف بالرغم من انو هوة بعيد عنك ما اله اي تفسير علمي معقول.
٣_بعد
النضرpremnition: يعني نعرف الاحداث قبل
وقوعها و صاير بكل كائن بشري هاي الضاهرة و ما الها اي تفسير علمي بس يكولون الطفل
هوة و ببطن امه يشوف حياته كلها و لهذا راح تبقى لقطات قليلة يذكرها.
٤_القوة
الخارقة في تحريك الاشياء psychokinesis:
يعني نحرك الاشياء بدون منلمسها بس بواسطة القدرة العقلية او الذهنية و بواسطة
النظر اليها و التركيز عليها كذالك ما الها تفسير علمي.
هسة
راح انطيكم موقف ايجابي و يدل ع صحة وجود علم الباراسايكولجي لشخص مشهور هو الكاتب الدكتور مصطفى محمود صارله موقف ب حدة الادراك او النضر عن بعد جان سهران و
نام ف اتصل عليه الناقد جلال العشري من صوته عرفه نايم اعتذر منه و كله اتصل عليك
بعدين فرجع الدكتور مصطفى محمود كمل نومته و حلم بالناقد هو و صديقه ديتمشون
بشارع و يحجون بمواضيع نقد و سمع الكلام بالتفصيل اول مكعد من النوم اتصل ع الناقد
جلال العشري و كلة ع الحلم بالتفصيل الناقد استغرب شلون الدكتور كدر يعرف كل
التفاصيل و الكلام و هنا الدكتور اهتمامه بهالمواضيع كبر و توجه للجانب الديني و
بحث عن الموضوع و تعمق بيه لاقصى درجة و سوى كلشي لحتى تتكرر التجربة بس متكررت
وياه.
هسة نجي على موقف ينكر وجود هالعلم:
الساحر جيمس راندي عنده مؤسسة لتعليم السحر و كذالك هو بنفس الوقت مشكك علمي يعني ميعترف بهالامور و يسموه كاشف الزيف و سوة تحدي قدره مليون دولار لاي شخص يثبتله وجود ضاهرة خارقة او غير طبيعية انتهى التحدي عام ٢٠١٥ و ابداً محد فاز بالتحدي.
نرجع
ل التخاطر
عام ٢٠١٢ استخدمو كمبيوتر حاولو يلتقطون بيه اشارات المخ الكهربائية و مجاله المغناطيسي لمرضى نفسيين اثناء كلامهم وية نفسهم و فعلا الكومبيوتر التقطها بس مكدرو يحولون الاشارات الكهربائية لكلام مفهوم و بائت كل المحاولة بالفشل .
تعليقات
إرسال تعليق