ليش الشخص اللي يسوي وشم ما يكدر يتبرع بالدم مباشرة؟ الحقيقة الطبية وراء المنع المؤقت للتبرع بعد التاتو/ الوشم والتبرع بالدم: شنو علاقة هذا بذاك؟/Why People with Fresh Tattoos Can’t Donate Blood Right Away
اللي يسوي وشم صدك ميصير يتبرع بدم
الجواب
نعم
بس لوقت محدد منظمة الصحة العالمية حددت وقت ١٢ شهر ومرة لخ كالو ٦ اشهر بشرط فحص دم.
بفترة كورونا خفضو المدة ل ٣ اشهر هم بشرط فحص دم
بسبب حاجتهم للدم و لانو اغلب
الاوربيين بوشوم.
زين
ليش ميصير يتبرع بدم هو الوشم على الجلد
اول سبب:
انه الوشم ديصير عن طريق أبر ممكن تكون ملوثة او تحتوي فايروسات او ميكروبات
جراثيم او امراض معدية ايدز و امراض اخرى تنتقل عن طريق الدم.
وسبب اخر
نوعية الحبر المستعمل احتمال غر صالح للاستهلاك البشري يكون كيميائي تخيلو تتسرب
مواد كيميائية لجسمكم شنو راح يصير؟
و
لانه اغلب مراكز الوشوم لا تلتلزم بالمواصفات القياسية و لا معايير النظافة كفاية خصوصا الرخيصة
منها.
ممكن يتبادر للذهن انه سبب مو مقنع الوشم ديصير ع الجلد.
السبب
الثاني و الاهم
انه ابر الوشوم تخترق الجلد بشكل كامل و توصل لمجرى الدم بشكل مباشر
يعني الابرة مال
الوشم اطب تسلم ع كريات الدم و تصافحها و تطلع و اطب انوب تصافحها لحد ميخلص الوشم.
و
لهذا الموضوع صحيا كلش كلش خطر و يحتاج مركز نظيف جدا و محترفين و ادوات و حبر
ممتاز و نضافة عالية جدا و تعقيم مستمر .
مدة ال ٣ و ٦ و ١٢ شهر حطوها لسبب:
اذا انت فعلا انتقل لك مرض معدي ف خلال هاي الاشهر
راح يبين المرض بيك بالنتيجة ميخلوك تتبرع بدم اذا كان مرض خطر او اذا كان فايروس بسيط
جسمك ينضف نفسه.
و بالنهاية احس ماكو داعي واحد يسوي وشم دائمي اكو وشوم مؤقتة و بدون ابر و امنة ١٠٠%
و هواية دراسات اجروها ع اللي يسوون وشوم جانت انو ٩٩% منهم متندمين لانه عملو وشوم لاسباب نفسية و صحية و اجتماعية .
تعليقات
إرسال تعليق