مسلسل هانيبال ليكتر الموسم الاول الحلقة الاولى /هانيبال الحلقة 1: قراءة نفسية وقراءة القاتل /Hannibal S1E1

 تبدا الحلقة بمسرح جريمة وويل موجود ويبدي يسترجع الاحداث اللي صارت  من خلال تقمص دور المجرم لكن بمخيلته 

اول ما دخل لبيت قتل الزوج برصاصتين على اماكن دقيقة تخليه ينزف ويشاهد المجرم وهو يسلبه كل اللي عنده بعدين يقتل زوجة الضحية الاولى تصيبها الرصاصة برقبتها و الجرح ما يصيب اي شريان حيوي لكن يشلها وتترك للمعاناة هو  ارادها تشعر بالمعاناة بدون متكدر تساعد نفسها 

ياخذ ويل تقرير الشركة الامنية حتى يشوف ليش الانذار ما اشتغل او شلون القاتل كدر يطفى الانذار و يلكه انه الزوجة ردت على الشركة و طمنتهم وهذا مو اللي صار بالضبط 

لكن القاتل كان يتنصت على مكالمات الضحايا و سجل صوت الزوجة قبل اسبوع من هذه الحادثة و كدر يوقف الانذار 

ويرجع ويل لقاعة محاضرات بالاكاديمية الفيدرالية كاستاذ يشرح لتلامذته عن هالحادثة 

من تخلص المحاضرة يجي العميل الخاص جاك كروفورد والاثنين راح تربطهم علاقة مهنية شائكى على مدى ثلاث مواسم 

جاك يسئل ويل الى اي نزع من الاظطرابات النفسية تنتمي يجاوب ويل مرزيج من التوحد ومتلازمة اسبرجر راح ارفق لهم تعاريف بالنهاية 

وهالاظطرابات  خلت ويل يتعاطف او يفهم القتلة المتسلسلين ويفهم دوافعهم ويكدر يفكر مثلهم ويتبنى وجهة نظرهم 

ولهذا اجاه جاك ولهذا ط
طلب منه يطلع على   قضية 

القضية هي اختطاف 7 طالبات على مدى 8 اشهر لكن ضهرت فتاة جديدة مختفية ويل قاطع جاك تقولون انها عمليات خطف لانكم لم تعثرون على جثث 

كل الفتيات اختطفو يوم الجمعة حتى لا احد يدور عليهم لحد يوم الاثنين ومعناها ايضا انه القاتل يبقي الجثة عنده يومين يستغل العطلة مالته تعرفون يعني يتسلى 

البنت الثامنة كان يفترض بيها تعتني بالمنزل وتوكل القطة لكن البنت اختفت 

اوصاف البنت كانت مطابقة لاوصاف البنات السابقات لون البشرة ابيض لون الشعر بني والعيون بنية الطول نفسه والوزن نفسه والعمر نفسه  مو مصادفة وانما اكو سفاح متسلسل  جاك سئل شنو المميز بهذولي الفتيات رد ويل مو كلهم مميزات انما وحدة منهم الامر يدور حولها هي المقصودة والقاتل يضمها بين شبيهاتها رد جاك اذا القاتل ديحاول يستعيد اللي سواه بالفتاة المميزة او يعيد تمثيله رد ويل هي مراح تكون الاولى او الاخيرة والقاتل ديحاول يخفي شكد هي مميزة 

رفض جاك يكون مستشار بهالقضة وجاك اصر 

راحو لبيت الضحية الثامنة و جاك سئل عن القط  اكل لو لا وهنا جتي لحظة ادراك انه البنت تم اختطافها من منزلها وطلب يصعد يشوف غرفتها و المفاجاة من فتح الباب لكاها موجودة ونايمة على سريرها كانت البنت لابسة ملابس نوم ونايمة عل ضهرها بكل امان و من ويل استعان بمخيلته شاف انه القاتل لكاها نايمة بسريرها و خنقها ولكو انه اضلعها مكسورة وكانت اكو نقطتين حمر على اضلعها اللي هم  اثار ضربات بقرون غزال القاتل غرس باضلعها قرون الغزال لانه تحتوي على مواد غذائية وتعزز القدرة على الشفاء والقاتل من سوة هيج مجان يريد يعالجها انما كان يريد يلغي فعله او يعتذر عن اللي سواه اللي سواه ببقية الضحايا مكدر يسويه بيها ولا هي مو البنت المميزة او التذكرة الذهبية كان ديعتذر عن فعله 

بشبه مشاجرة تدور بثين ويل وجاك حيث جاك كلن ديطلب من ويل انه يساعده يعرف منو هذا الممجرم وويل جان مرتبك لانه مشاف هيج نوع مجرم 

ويل قال انه القاتل لم يستطع تكريمها لهذا يشهر بالذنب والذنب يتعارض مع الاضطراب العقلي وانه رجع جثتها للبيت لانه ما كدر يكرمها مثل البقية او يضهر حبه لها 

هو مكان يغتصب الضاحيا او يسوي اي افعال جنسية على الفتيات لانه مكان يريد يقلل احترامهن بهالطريقة وه يقتلهن بسرعة وبرحمة حسب اعتقاده كقاتل 

اثناء فحص خبراء الادلة الجنائية ملابس الضحية لكو قطعة معدن ومو اي قطعة معدن انما معدن مميز يتواجد بمواقع معدودة وهنا يتكرم المخرج ويعرض لنا القاتل وتذكرته الذهبية 

استنادا الى قطعة المعدن الماخوذة من ملابس الضحة ويل قال ان المشتبه بهم هم عمال سباكين وكهربائيين والجروح اللي كانت باضلاعها اللي سببها قرون غزال كان القاتل معلقها على قرون الغزال كان يرى قرون الغزال كالخطاف وقام القاتل بأستئصال الكبد ووثم اعاده لمكانه لانها كانت تعاني من السرطان يعني مكانت جيدة كفاية لاجل ياكل جزء منها اللحم مكان نظيف كان مسرطن ومن هنا اكتشفنا ان القاتل يقوم باكل ضحاياه او على الاقل جزء منهن .

وهنا يضهر هانيبال وهو ياكل الله اعلم اذا كان اللحم لحم بشري او لحمم حيواني وما كان هانيبال مجرد انسان يتغذى لا كان يتذوق ويشعر ويتحسس 

يضهر هانيبال مع واحد من مرضاه النفسيين يطلب منه مناديل ورقية لانه يبكي ويعطيه لكن المريض باهمال يرمي المناديل الورقية على الطاولة ونظرة هانيبال كانت كافيه كان ينظر اليه باحتقار على فوضويته .

يكمل هانيبال جلسته و يطلع يلكه جاك بوجهه 

‏المثير للدهشة انه مو مثلنا من نلكه شخص امني او مسؤول يضرب استعداد 

‏ورة ما جاك سلم عليه كله الباب هذا مخصص لمرضاي انتظرني شوية وجاك مثل الحباب كعد ينتظر 

‏ورة مراح المريض دخل جاك يستكشف المكان و يتعرف على هانيبال وذكر اطروحة هانيبال اصول التطور للاستبعاد الاجتماعي طلب من هانيبال تقييم نفسي لمنو؟ اكيد لويل 

‏

يبدي حديث بين هانيبال وويل بحضور جاك ويلاحظ هانيبال انه ويل يتكلم مع المقابل بدون ما يباوع بعيونه و رده يكون انه النظر لعيون المقابل يشتت الانتباه اذا رايت اكثر من اللازم لن تتمكن من اشاحة بصرك 

جاوب هانيبال انه اني اعرف كل اللي تشوفه وتسمعه يمس كل زاوية بداخل عقلك لكن معاييرك وقيمك الانسانية موجودة بالرغم من تضررها   

وانه ما عندك قلاع بداخل الحلبة اللي بعقلك حتى تحمي كل الاشياء اللي تحبها 

زعل ويل وطلع 

هانيبال قال لجاك انه ويل يعاني من حالة تعاطف مطلق اي انه يستطيع تبني وجهة نظر اي احد 

وضاف انه اكل لحوم البشر ( القاتل ) اللي تحاول تعرف ويل عليه اني اكدر اساعد ويل يشوف وجهه الحقيقي 

وما كذبب فعلا ساعد ويل بس شلون ساعده ؟

رسم لويل مسرح جريمة ومسرح الجريمة هذا دفع العالم يطلقون لقب ( صرد مينيسوتا ) وطائر الصرد يصيد الحشرات الفئران ويعلقها على اشواك نباتية  او اغصان حادة لاجل يفترسها لاحقاً 

التشبيه رائع وذكي وفعلا هانيبال يشبه الصرد من عدة نواحي جميل وذكي لكن تصرفاته سادية ودموية الاثنين يعلقون ضحاياهم لاعلان القوة والسيطرة والملكية والتحضر للافتراس والاثنين ما يتغذون فقط انما يمارسون طقوس 

ويل اعترض على مسرح الجريمة ما ربطه بالقاتل اللي اخذ 8 ضحايا هانيبال كان مستأصل الرئة والبنت كانت حية اثناء الاستئصال 

بينما ويل وجاك كانو ينقبون مسرح الجريمة هو كان ديطبخ رئات الفتاة 

وكمل  ويل عن المسرح  انه هذا القاتل يعشق الناس وميريد يدمرهن انما يريد ياكلهن يريد يحتفظ بيهن بداخله او على الاقل بجزء منهن

بداخله بينما اللوحة اللي رسمها هانيبال كان متعامل مع البنت كانها خنزير ولهذاتوصل ويل الى انه القاتل الاصلي عنده عدة اماكن كوخ صيد او حضيرة ومكان يحتوي رؤوس غزلان محنطة وعنده بنت بنته الوحيدة  اللي على وشك تغادر المنزل وتبدي حياته التذكرة الذهبية بنته هي اللي حاول يخفيها وسط ضحاياه الثمانية نفس العمر ونفس لون البشرة والشعر والطول والوزن لضحاياه  ودافعه كان انه ما يتحمل فكرة مغادرة بنته للمنزل 

جاك سئل والجريمة المقلدة ؟ جاوب وجوابه كان يوصف هانيبال شخص مختل عقليا ذكي وسادي ويصعب الامساك به ماكو دافع ولا نمط وممكن ما يقتل بنفس الطريقة مرة ثانية وطل من جاك يطلب من هانيبال يسوي تقييم نفسي للقاتل 

هو ساعد ويل يتعرف على القاتل لانه شبيهه وما ساعده بشكل تقليدي انما بواسطة رسم لوحة مناقضة للوحة اللي رسمها القاتل الاول 

بعدها راح هانيبال لمنزل ويل يتريكون وكان هو محضر الاكل حتى يروحون يدورون على  القاتل 

وبأثناء الحوار قال هانيبال لا سامح الله قد نصبح صديقين 

جاول ويل لا اراك مشوقا الى هذا الحد رد هانيبال سوف تفعل بنظره جادة وفعلا هو كان ناوي على ويل وحاطه بباله 

وعلق ويل على مسرح الجريمة قال انه المسرح كان هدية ملفوفة لاجل ان ارى الحقيقة صنع القاتل صورة نقيضة لي لارى الحقيقة وهذا اللي سواه وراده هانيبال بالضبط

هانيبال سئل ويل هل عانيت من مشاكل نفسية رد ب لا وهانيبال رد بالطبع لا نحن متشابهين انا وانت لا تشوبنا اي شائبة خاليين من المشاكل  وهنا كان يشوف ويل كنظير عقلي ند او شخص يفهمه يتعاطف وياه يتبنى افعاله ووجهات نظره قادر على التعامل وياه  او لعبة مسلية شخص يستفزه ويناقضه يدفعه للهاوية حتى يشوف شنو راح يسوي يصير مثله ؟ يتفق وياه ؟ 

وكمل اعتقد ان جاك يراك كفنجان شاي صغير هش من الخزف المخصص للضيوف المهمين  يعني هو ضعيف لكن مهم ومفيد 

 

رد ويل وانت شلون تشوفني ؟

قال انت حيوان النمس اذي اريده اسفل منزلي عندما تتسلل الثعابين حولي كان يقصد انه ويل ذكي وحذر وصبور وبارع بقرأة الناس

يروحون يدورون بمستودع بملفات وويل يشك بشخص قبل لا يطلعون هانيبال يتصل بهذا الشخص ترد بنته ويطلب ابوها  ويكله هذه مكالمة بدافع الكياسة اسمعني بحذر انهم يعلمون بامرك ويسد التفون ويروح كانه ممسوي اي شي الحلو بيه عنده ثبات انفعالي عالي ماكو شي يهزه او يخليه يرجف او يفقد السيطرة على نفسه هادئ وثابت  

يروح هو وويل لبيت الشخص هوبز واول ما ينزلون من السيارة تطلع زوجته تركض وهي منحورة وتوكع وويل يركض يحاول يساعدها ويكون بحالة صدمة بينما هانيبال كان واقف كشخص مراقب راقب ويل مركز عليه بشكل مخيف 

ماتت بعد لحظات وسحب ويل مسدسه ودخل للبيت وهو بحالة صدمة ومربك ويرجف بينما هانيبال كان يتمشى كانه رايح للبحر ويباوع على المراة الميته ببرود كانه بمعرض يشوف لوحات فنية 

ويل وصل للمطبخ وشاف 

ابوها جان مكتفها وفعلا نحرها وويل اطلق عليه بالمسدس 10 طلقات مخلاه يكمل عليها ويموتها كانت اول مرة لويل وهو يقتل انسان 

ركض على البنت وحط ايده على رقبتها يوقف النزيف وبهذه اللحظات 

باوع القاتل على ويل وقال اترى هذا اترى وضحك وهو بجسمه 10 طلقات وديموت  اتوقع القاتل فهم انه ويل هو اللي اتصل عليه وحذره بدافع الكياسة او كزميل قاتل ولهذا كله اترى توقع لنه ويل راح يفهم وفعلا ويل فهم لكن هانيبال اللي حذره 

دخل هانيبال باوع على القاتل واخذ نظره على ويل ومال راسه و  لزم رقبة البنت ليوقف النزيف 

واكيد وقف النزيف ببراعة كونه طبيب وجراح انقاذه الها له عدة معاني اولا انه راد يكون المتحكم بسياق اللي صار انه يشوف الموضوع كمسرحية او قصة او مغامرة ثانيا يحب يكون مسيطر على الاحداث منو يموت ومنو يعيش ثالثا راد يلتمس تاثيره عليها هي شخصيا  رابعا اتوقع سواها لاجل ويل ايضا راد يربطه شي بويل وشنو الافضل من بنت انقذوها هم الاثنين من الموت ؟ وايضا رفض ان تنتهي المسرحية راد يطولها حتى يتواجد وية ويل لفترة اطول 

اخذها هانيبال وراح وياها للمشفى وبقى هو وويل وياها بالمشفى لانه فقدت الوعي 

بنهاية الحلقة ويل يروح للمشفى يطمئن على البنت يدخل ويشوف هانيبال ماسك ايد البنت وغافي وهو هم يكعد ومنا تنطلق اكثر علاقة معقدة من 3 اشخاص 

الغرض من كتابتي لهذا كله 

اريد احلل المسلسل والقتلة الموجودين ووياهم هانيبال وويل والعلاقة بين الاثنين وعلاقتهم  هم بالبنت اللي انقذوها المسلسل مشتق او مقتبس من رباعية كتب تتكلم عن هانيبال المسلسل يحكي الكثير والكثير عن علم النفس الاجرامي والكثير من الحالات النفسية والعلاقات المعقدة واني احب الاشياء المعقدة احب علم النفس وخاصة الجنائي او الاجرامي واحب هانيبال وويل المسلسل يعتبر تثقيفي وبنفس الوقت ممتع 

التوحد (Autism Spectrum Disorder - ASD)

التعريف:

• التوحد هو اضطراب نمو عصبي معقد يؤثر على التواصل الاجتماعي، السلوكيات، والقدرة على التفاعل مع العالم المحيط.

• يسمى “طيف” لأنه يظهر بدرجات متفاوتة بين الأفراد: من صعوبات بسيطة إلى إعاقات شديدة.

أعراض رئيسية:

1. التواصل الاجتماعي:

   • صعوبة فهم الإيماءات، لغة الجسد، أو التعبيرات الوجهية.

   • صعوبة بدء أو الحفاظ على المحادثات.

   • ميل للعزلة أو اللعب الفردي.

2. السلوكيات والاهتمامات المحدودة والمتكررة:

   • حركات متكررة مثل الهز أو دوران اليدين.

   • التمسك بروتين ثابت، مقاومة التغيير.

   • اهتمامات شديدة ومركزة على موضوع محدد.

3. الحواس:

   • حساسية مفرطة أو منخفضة للضوء، الصوت، اللمس، أو الطعم.

الأسباب:

• أسباب التوحد ليست مفهومة بالكامل، لكنها تشمل عوامل جينية وبيئية.

• ليس مرتبطًا بالتربية أو أسلوب الأمومة/الأبوة.

التشخيص:

• يعتمد على ملاحظة السلوكيات وتأخر التطور الاجتماعي أو اللغوي.

• غالبًا يتم التشخيص في مرحلة الطفولة المبكرة (قبل سن 3 سنوات).

---

متلازمة أسبرجر (Asperger’s Syndrome)

التعريف:

• كانت تُصنف سابقًا كنوع من التوحد خفيف المستوى، لكنها الآن تندرج ضمن طيف التوحد وفق DSM-5.

• الأفراد غالبًا لديهم ذكاء طبيعي أو فوق المتوسط، ولغة متأخرة قليلًا أو طبيعية.

أعراض رئيسية:

1. التواصل الاجتماعي:

   • صعوبة في فهم النكات أو التعابير المجازية.

   • صعوبة في إقامة صداقات متوازنة، غالبًا يبدون "غريبين اجتماعيًا".

2. السلوكيات والاهتمامات المحدودة:

   • اهتمام شديد بمجال معين (مثل القطارات، الرياضيات، الحواسيب).

   • ميل للروتين والنظام.

   • أحيانًا مهارات متقدمة جدًا في مجالات محددة (رياضيات، موسيقى، ذاكرة).

3. الحواس والتفاعل:

   • حساسية زائدة أو منخفضة للمؤثرات الحسية، لكنها أقل حدة من حالات التوحد التقليدي.

الفرق عن التوحد الكلاسيكي:

• لغة وطلاقة كلامية طبيعية غالبًا.

• ذكاء طبيعي أو عالي.

• صعوبة التواصل الاجتماعي أخف نسبيًا، لكن مشاكل الفهم الاجتماعي ما زالت موجودة.

الأسباب:

• جينية بشكل أساسي، وأحيانًا مرتبطة بعوامل بيئية بسيطة.

التشخيص:

• يعتمد على ملاحظة السلوكيات الاجتماعية، المهارات الحركية، واهتمامات الطفل.

• غالبًا يتم اكتشافه في المدرسة عندما تظهر صعوبات التفاعل الاجتماعي.

ويل كان يعاني من مزيج بين المرضين مع التعاطف المطلق وهذا اللي نطاه ميزة يفهم القاتل شلون ارتكب الجريمة وليش 

by fatima nsaif  jasem